Türkmenistanyň Prezidenti hormatly Serdar Berdimuhamedowyň başlyklygynda 2-nji oktýabrda Ministrler Kabinetiniň mejlisi geçirildi. Onda 2026-njy ýylyň dokuz aýynda ýurdumyzda alnyp barlan işleriň jemleri jemlenildi we ykdysadyýetiň pudaklary boýunça gazanylan anaýy görkezijiler bellenildi. Bu barada Türkmenistanyň döwlet habarlar agentligi habar berdi.
Hasabat döwründe Türkmenistanyň Kanunlarynyň 8-si hem-de Mejlisiň kararlarynyň 14-si kabul edildi. Şol sanda "Türkmenistanyň Garaşsyzlygynyň 35 ýyllygyna bagyşlanyp geçirilen dabaraly harby ýörişe gatnaşyja" diýen ýubileý medaly hem-de ahalteke bedew atlarynyň döwlet goragy baradaky kanunlar tassyklanyldy. Şeýle hem daşary ýurt ilçileriniň ynanç hatlarynyň 7-si kabul edilip, ikitaraplaýyn duşuşyklaryň 37-si we okuw maslahatlarynyň 93-si geçirildi. Deputatlar daşary ýurtlara 20 sapar amala aşyrdylar.
Ýanwar — sentýabr aýlarynda jemi içerki önümiň ösüşi 6,3 göterim derejesinde saklandy. Pudaklar boýunça ösüş depgini senagatda 3 göterime, gurluşykda 6,7 göterime, ulag-aragatnaşykda 10,4 göterime, söwdada 8,4 göterime, oba hojalygynda 4,1 göterime, hyzmatlar ulgamynda 8,4 göterime deň boldy. Umumy öndürilen önüm 9,9 göterim, bölek satuw haryt dolanyşygy 10,5 göterim, daşary söwda dolanyşygy 8,3 göterim artdy. Döwlet býujetiniň girdeji bölegi 100,1 göterim, çykdajy bölegi 97,2 göterim ýerine ýetirildi. Düýpli maýa goýumlar 3,5 göterim ýokarlandy.
"Türkmennebit" döwlet konserni tarapyndan nebit çykarmagyň meýilnamasy 109,1 göterim, nebiti gaýtadan işlemek 106,8 göterim berjaý edildi. Önümçilik meýilnamalary benzin boýunça 119,3 göterim, dizel ýangyjy boýunça 114,7 göterim, çalgy ýaglary boýunça 100 göterim, suwuklandyrylan gaz boýunça 112 göterim ýerine ýetirildi. Tebigy we ugurdaş gazy çykarmagyň görkezijisi 109,1 göterime deň boldy.
Oba hojalyk pudagy boýunça önümçiligiň ösüş depgini 124,2 göterime barabar boldy. Bu görkeziji Oba hojalyk ministrligi boýunça 113,3 göterim, "Türkmenpagta" döwlet konserni boýunça 140,3 göterim, "Türkmengallaönümleri" döwlet birleşigi boýunça 125,8 göterim, Azyk senagaty döwlet birleşigi boýunça 120,3 göterim boldy. Maýa goýum serişdelerini özleşdirmek meýilnamasy 144,2 göterim ýerine ýetirildi. Ýurdumyzda bugdaý ekişi we pagta ýygymy dowam edýär.
Gurluşyk-senagat toplumy boýunça öndürilen önümleriň we ýerine ýetirilen işleriň meýilnamasy 120,9 göterim berjaý edildi. Görkezijiler Senagat we gurluşyk önümçiligi ministrligi boýunça 128,3 göterime, "Türkmenhimiýa" döwlet konserni boýunça 127,7 göterime, Aşgabat şäheriniň häkimligi boýunça 130,9 göterime, Gurluşyk we binagärlik ministrligi boýunça 102,8 göterime, Energetika ministrligi boýunça 107 göterime deň boldy.
Söwda we daşary ykdysady aragatnaşyklar ministrligi boýunça söwda dolanyşygy 113,2 göterim artdy. Dokma senagatynda ösüş 106,4 göterim bolup, nah ýüplügiň önümçiligi 102,3 göterim, nah matalar 100,9 göterim boldy. Döwlet haryt-çig mal biržasynda 222 söwda geçirilip, 23 müň 460 şertnama hasaba alyndy. Senagatçylar we telekeçiler birleşmesi boýunça oba hojalyk we azyk önümleriniň ösüşi 110,4 göterim, senagat önümleriniňki 109,2 göterim boldy.
Dokuz aýda okuwçylar we talyplar halkara bilim bäsleşiklerinde 1040 medal gazandylar. Aşgabatda Binagärlik-gurluşyk institutynyň we Turkmenabatda Mugallymçylyk institutynyň täze binalary ulanmaga berildi. Türkmen türgenleri halkara ýaryşlarda jemi 554 medal gazandylar.
Ýylyň başyndan bäri Türkmenistana 608 daşary ýurt wekiliýeti geldi we daşary ýurtlara 1011 türkmen wekiliýeti sapar etdi. Sanly ulgam arkaly 355 duşuşyk hem-de 1682 resmi gepleşikler guraldy. Jemi 187 halkara resminama baglaşyldy. Birnäçe döwletleriň täze ilçilerinden ynanç hatlary kabul edildi.
Ulag-kommunikasiýa toplumy boýunça ýerine ýetirilen işleriň ösüş depgini 114,7 göterime deň boldy. Ýük daşamak 108 göterim, ýolagçy gatnatmak 102 göterim artdy. Hyzmatlaryň ösüş depgini Demir ýol ulaglary ministrliginde 107,4 göterim, Awtomobil ulaglary ministrliginde 115,8 göterim, "Türkmenhowaýollary" gullugynda 121,8 göterim, Aragatnaşyk ministrliginde 115,3 göterim boldy.
