Hytaýyň Merkezi Aziýadaky göni maýa goýumlarynyň möçberi 10 ýylyň içinde iki esse artdy. Bu barada Ýewraziýanyň ösüş bankynyň 25-nji dekabrda çap edilen «Hytaý we Ýewraziýa sebiti: Maýa goýum akymlarynyň seljermesi» atly hasabatynda aýdylýar.
Hasabatda bellenilişine görä, Hytaýyň Merkezi Aziýadaky göni maýa goýumlarynyň möçberi 2016-njy ýylda 19,6 milliard amerikan dollaryna deň bolan bolsa, bu görkeziji 2025-nji ýylyň ortalaryna çenli 35,9 milliard amerikan dollaryna ýetdi. Şol maýa goýumlarynyň 32 göterimi Gazagystanyň, 30 göterimi Özbegistanyň, 27 göterimi Türkmenistanyň, 6 göterimi Täjigistanyň we 5 göterimi Gyrgyz Respublikasynyň paýyna düşýär.
Hytaýyň Türkmenistandaky göni maýa goýumlary 2025-nji ýylyň ortalaryna çenli 9,5 milliard dollara çenli ýokarlandy. Hytaý Türkmenistanda, esasan, energetika taslamalaryna has köp maýa goýýar diýlip, habarda bellenilýär.
